தியாகத்தின் மறுபெயர் அபூபக்கர் சித்தீக் (ரலி) அவர்கள்

தியாகத்தின் மறுபெயர் அபூபக்கர் சித்தீக் (ரலி) அவர்கள்

எழுதியவர்/பதிந்தவர்/உரை மௌலவி முஹம்மத் அஸ்ஹர் ஸீலானி

அல்-ஜுபைல் 13வது ஒருநாள் மாநாடு
வழங்குபவர்: மௌலவி முஹம்மத் அஸ்ஹர் ஸீலானி (அழைப்பாளர், அல்-கோபர்)
நாள்: 01-04-2011 வெள்ளிக்கிழமை
இடம்: அல்-ஜுபைல் தஃவா நிலையப் பள்ளி வளாகம்

Download mp4 video
Audio Play:

இந்த ப திவு  இஸ்லாம்கல்வி.காம்l    நன்றி

TNTJ-யின் ஏகத்துவ மாத இதழ் மற்றும் அதன் ஆசிரியர் குழுவிற்கு பகிரங்க மறுப்பு

எழுதியவர்/பதிந்தவர்/உரை பிற ஆசிரியர்கள்

- ஏகத்துவ மாத இதழ் மற்றும் அதன் ஆசிரியர் குழு-விற்க்கு வேர்கிளம்பி J. யாசின் இம்தாதி அவர்கள் வெளியிடும் பகிரங்க மறுப்பு அறிக்கை
அவதூறு பரப்பிய TNTJ-யின் ஏகத்துவ இதழுக்கு மறுப்பு
கடந்த ஜனவரி 2012 வருடம். TNTJ இயக்கத்தவர்களால் நடத்தப்படும் ஏகத்துவ இதழில் 16-ம் பக்கத்தில் கேக் வெட்டிய JAQH மௌலவி எனும் தலைப்பில் குமரி மாவட்டம் வேர்கிளம்பி JAQH மர்கஸில் இமாமாக பணியாற்றும் J. யாசீன் இம்தாதி எனும் நான் கிருஸ்துமஸ் விழாவில் பங்கு பெற்று ஏசு பிறந்த நாள் கொண்டாடியதாக இட்டுக்கட்டப்பட்ட செய்தி ஒன்று பரப்பப்பட்டுள்ளது.
அவர்கள் பரப்பியதைப் போல நாம் நடந்திருந்தால், மார்க்க ரீதியில் நம்மை நாம் திருத்திக் கொள்வது அவசியம். எனினும் நடந்த உண்மை என்ன என்பதை கீழே தருகிறோம்.
1) பிணந்தோடு என்ற இடத்தில், கிருஸ்துமஸ் விழாவில் பங்கு பெற்று ஏசுபிறந்த நாள் வாழ்த்துரை வழங்க நாம் அழைக்கப்படவில்லை. காரணம் ஏசு பிறந்த நாளை கொண்டாடுவதற்கு அவர்கள் தேர்வு செய்திருந்த நாள் கடந்த 25-12-2011 (ஞாயிற்றுக்கிழமை) ஆகும். நாம் அழைக்கப்பட்டதும் பங்கு பெற்றதும் கிறிஸ்துவ அன்பர்களால் கடந்த 22-12-2011 வெள்ளிக்கிழமை அன்று ஏற்பாடு செய்யப்பட்ட மத நல்லிணக்க நிகழ்ச்சியில் தான்.
அந்த நிகழ்ச்சியில். மனித நேயத்திற்கு எதிராக வரதட்தணையை அரங்கேற்றுவதே பெரும்பாலான பாதிரிமார்களும், இமாம்களும், சாமியார்களும் தான் என்று அவர்களை சபையில் வைத்துக் கொண்டே மாக்கத்தை பேசினோம். மாறாக ஏசு பிறந்த நாளை புகழ்ந்தோ அவர்கள் செய்யும் மூட நம்பிக்கைகளை ஆதாரித்தோ. நாம் பேசவில்லை, அதனால் தான் ஏகத்துவ இதழுக்கு அவைகளை சுட்டிக்காட்டி விமர்சிக்க முடியவில்லை.
2) நமது பேச்சை முடித்து மேடையை விட்டு இறங்கிய போது அவர்கள் நமக்கு தந்த அன்பளிப்பை ஏற்க மறுத்தோம், அப்படியானால் தேனீராவது அருந்திச் செல்லுங்கள் என்று வற்புறுத்தியதால் மீண்டும் மேடை ஏற வேண்டிய அவசியம் ஏற்பட்டது, அப்போது அந்த நிகழ்ச்சியை நடத்துபவர்களில் ஒருவர் தீடீரென மைக்கைப் பிடித்து. மத நல்லிணக்க ஒற்றுமையின் முக்கிய நிகழ்வாக என்று மத குருமார்களும் சேர்ந்து கேக்கை வெட்டுவாகள் என நமது அனுமதி பெறாமலே அறிவிப்புச் செய்தார்.
சாமியார் என் கையை பிடித்து இழுத்துச் சென்ற போது (அவரது கையை உதறிவிட்டோம்), அவர் கையில் வைத்திருந்த கத்தியை என் கையில் வைத்திருந்ததாக நினைத்தோ என்னவோ TNTJ பக்தியாளார் ஒருவர் (கடையாலுமூடு அப்துரஹ்மான்) உலகம் முழுவதும் SMS மூலம் அழகிய முறையில் தஃவா பணிச் செய்து TNTJ- யின் கொள்கைப் பிடிப்பை பறைசாற்றியுள்ளார்.
இந்நிகழ்வை தவறாகச் சித்தரித்த அவர் நேர்மையானவராக இருந்திருந்தால் அந்த இடத்திலேயே என்னை சந்தித்து விளக்கம் கேட்டிருக்கலாம், அதை விட்டு விட்டு JAQH ன் கொள்கையை பறை சாற்றி விட்டார்கள் என்று ஏகத்துவ இதழில் அவதூறு பரப்பியது நிச்சயமாக கெட்ட எண்ணமேயன்றி வேறு இல்லை, JAQH ன் மீதுள்ள காழ்ப்புணர்வே இதற்கு காரணம்.
3) குர்ஆன் ஹதீஸை அப்படியே நம்ப வேண்டும் என்று வீர வசனம் பேசுபவர்கள், TNTJ உறுப்பினர்கள் அனுப்புகின்ற வதந்திகளையும் அப்படியே நம்ப வேண்டும் என்ற முடிவிற்கு வந்தார்களோ என்னவோ?
தமிழகம், சவுதி, இலங்கை போன்ற இடங்களுக்கும் இந்த அவதூறு SMSஐ ஒரே இரவில் நூற்றுக்கணக்கில் அனுப்பி சாதனை புரிந்துள்ளனர் TNTJ பக்தர்கள்.
4) ஏகத்துவ இதழின் துணை ஆசிரியர், செய்யது இப்ராஹிம் என்பவரை 7-12-2012 மதியம் 12:15 மணியளவில் தொடர்பு கொண்டு, பல பாகங்களுக்கும் செல்லக்கூடிய ஒரு பத்திக்கையில் இப்படி ஒரு செய்தியை எந்த ஆதாரத்தின் அடிப்படையில் போட்டீர்கள்? அதை ஊர்ஜிதம் செய்தீர்களா? என்று கேட்டதற்கு, அவர் KK Dist. TNTJ நிர்வாகிகள் நம்பகமானவர்கள். பொய் சொல்லமாட்டார்கள். எனவே அவர்கள் கூறியதை அப்படியே போட்டோம் என்று என்று சர்டிபிகேட் கொடுத்து கூறினாரே தவிர. நாம் செய்தது மாக்க ரீதியாக எந்த ஆதாரத்தின் அடிப்படையில் தவறு என்பதற்கு நம்மிடம் கடைசி வரை பதில் பேசவே இல்லை, கிருஸ்துமஸ் விழாவில் எப்படி போகலாம். எப்படி போகலாம்? என்பதைத்தான் வாய்ப்பாடாக சொல்லிக் கொண்டிருந்தார்.
தொலைபேசி மூலமாக தொடர்பு கொண்டு என்னிடம் கேட்ட நபர்களிடம், “கிருஸ்துமஸ் விழாவில் கலந்து கொள்ள தடை ஏதும் இருக்கிறதா”, என்று நான் கேட்டதாக செய்தி போட்டுள்ளீகளே, கேட்ட அந்த நபர்கள் யார்? சொல்லுங்கள் என்று நான் கேட்டதற்கு விசாரித்து சொல்கின்றேன் என்று பொறுப்பற்ற முறையில் அவர் சொன்ன பதிலில் இருந்து அதை அவர் உறுதிப்படுத்திய பின் ஏகத்துவத்தில் போடவில்லை என்பது தெளிவாகிறது, (இவர்கள் கூறுவது போன்று ஒருவரும் நம்மிடம் அதைப்பற்றி விசாரிக்கவில்லை).
இந்த SMS, பித்னாவை கன்னியாகுமரியை சோந்த TNTJ, பக்தர் ஒருவரும் பரப்புகின்றார் என்பதை அறிந்து நாம் அவரை 9994725782 என்ற இந்த எண்ணில் தொடர்பு கொண்டு விசாரித்தோம், அவரும் எப்படிப் போகலாம்? எப்படிப் போகலாம்? என்று அப்பாவித்தனமாக பேசினாரே தவிர ஆதாரப்பூர்வமாக நிரூபனம் செய்யவில்லை (இருவரும் பேசிய ஆடியோ பதிவு நம்மிடம் உள்ளது,)
5) யார் பிறர் கலாச்சாரத்திற்கு ஒப்பாக நடக்கின்றாரோ அவர் அவர்களைச் சாந்தவரே என்ற நபி (ஸல்) அவர்களின் கூற்று உண்மையானதே, எனினும் அதற்கும் நமது நிலைக்கும் என்ன சம்பந்தம்? பிற மேடைகளில் ஏறும் போது நாமும் அது போன்று ஆகிவிடுவோம் என்பது TNTJ யினர் தங்களுக்குள் உருவாக்கிக் கொண்ட சட்டமேயாகும், அதைத் தான் அனைவரும் பின்பற்ற வேண்டும் என்று எதிர்பார்ப்பதற்கு அது குஆன் ஹதீஸ் சொன்ன சட்டமல்லவே, எங்கு சென்றாலும் நாம் நமது கொள்கையில் பிசகாமல் சத்தியத்தை முழக்கமிடுவதே இஸ்லாமியச் சட்டம், அத்தகைய துணிச்சல் TNTJ யினர்களுக்கு இல்லாமல் இருக்கலாம்.
இது போன்று தீர விசாரிக்காமல் முன் பின் யோசிக்காமல் அவதூறை பரப்புபவர்கள் KK Dist TNTJ நிர்வாகத்தினர்கள். அதிலும் குறிப்பாக இதற்கெல்லாம் சூத்திரதாரியாக இருந்து செயல்படும் TNTJ மாநில பொறுப்பாளர்களில் ஒருவரும். முன்னாள் KK Dist TNTJ செயலாளருமான தேங்காயப் பட்டணம் காஜா நூஹ் என்பவரேயாகும்.
ஏகத்துவ இதழில் வெளிவந்துள்ள நம்மைப் பற்றிய செய்திகளில் கீழ்த்தரமான அநாகரிகமான வாத்தைகளை வடித்து JAQH என்ற இயக்கத்தை இழிவுபடுத்தி எழுதியவரும் இவர் தான். மார்க்க மேடைகள் மற்றும் ஜும்ஆ மேடைகளில் பிற இயக்கங்களை வசைபாடுவதையே பயானின் கருவாக வைத்திருப்பவர். இது நாமறிந்த செய்தி மட்டுமல்ல KK Dist TNTJ உறுப்பினர்களில் பலர் அறிந்த செய்தியே. அதனால் தான் இவர் ஜும்ஆ உரையாற்றுகிறார் என்று கேள்விப்பட்டாலே அவர்களில் பலர் வேறு இடங்களுக்குச் செல்வதைப் பார்க்கிறோம். இவர் மீதுள்ள அதிருப்தியால் பல KK Dist TNTJ உறுப்பினர்கள் இதிலிருந்து வெளியேறி விட்டதும் குமரிமாவட்ட மக்கள் அறிந்த உண்மை.
மாக்கத்தின் பெயரால் இது போன்று அநாகரிகமாக செயல்படுகின்ற ஒரு சிலருக்கு TNTJ, தலைமையகம், பொறுப்புகளை கொடுத்து அழகு பார்ப்பது வேடிக்கையாகும், அல்லது மற்றவர்களை வசைபாடுவதுதான் சிறந்த தஃவா என்று இந்த அப்பாவிகளுக்கு போதிக்கப்பட்டுள்ளதா?
எனவே தான் பரப்பிய அவதூறு செய்திக்கு உடனடியாக அல்லாஹ்வை பயந்து வருத்தம் தெரிவிப்பதுடன் மேற்கொண்டு இது மாதிரியான கீழ்த்தரமான வேலைகளிலிருந்து ஏகத்துவ மாத இதழ் விலகிக் கொள்ள வேண்டும், இல்லையெனில் சட்டப்படி விளைவுகளை சந்திக்க நேரிடும்,

(துல்ஹஜ்) இந்த மாதம் எப்படி புனிதம் வாய்ந்ததோ. இந்த (மக்கா) நகரம் எப்படி புனிதமானதோ. அது போலவே உங்கள் பொருளும். உயிரும். மானமும் புனிதமானது, (நபிமொழி கருத்து. புகாரி)

இப்படிக்கு
J. யாசீன் இம்தாதி
இமாம், வேர்கிளம்பி JAQH மர்கஸ்
Mobile: +91 9994533265
10-01-2012
நாகர்கோவில்

இந்த ப திவு  இஸ்லாம்கல்வி.காம்l    நன்றி

ஸஹாபாக்களின் கண்ணியமும் நவீன கொள்கைகளும்

ம்

எழுதியவர்/பதிந்தவர்/உரை மௌலவி S.H.M. இஸ்மாயில் ஸலஃபி

கொள்கை பாதுகாப்பு கருத்தரங்கம், பஹ்ரைன்
வழங்குபவர்: மௌலவி இஸ்மாயில் ஸலபி
நிகழ்ச்சி ஏற்பாடு: அனைத்து தமிழ் அழைப்புக் குழு

• ஸஹாபாக்கள் என்றால் யார்?
• ஸஹாபாக்களை விமர்சிப்பவர்கள் எப்படி உருவானார்கள்?
• ஸஹாபாக்கள் நபி (ஸல்) அவர்களை எதிர்த்து கேள்வி கேட்டார்களா?
• வரலாற்றில் குர்ஆன் மற்றும் ஹதீஸை-அடிப்படையாகக் கொண்டு ஸஹாபாக்களை விமர்சனம் செய்தவர்கள் யார்? அப்படி விமர்சனம் செய்தது சரியா?
• ஸஹாபாக்களை விமர்சனம் செய்தவர்கள் யார்? அவர்களை பற்றி அல்-குல்ஆன் கூறுவது என்ன?
• அல்லாஹ் யாரை பொருந்திக் கொண்டான்?
• மகத்தான வெற்றிக்குரியவர்கள் யார்?
• நரகம் செல்லமாட்டாகள் என்று நபி (ஸல்) முன்னறிவிப்பு செய்த கூட்டம் எது?
• அன்சாரி ஸஹாபாக்கள் பதவி வெறி பிடித்தவர்களா?

மேற்கண்ட அனைத்திற்கும் தெளிவான விளக்கத்தை பெற இந்த வீடியோவை பார்வையிடவும்.

Download mp4 video
Audio Play:

இந்த ப திவு  இஸ்லாம்கல்வி.காம்l    நன்றி

சபித்தல்

சபித்தல்

எழுதியவர்/பதிந்தவர்/உரை ஜாஃபர் அலி

பெரும்பாலோர் கோபப்படும் பொழுது தமது நாவுகளைக் கட்டுப்படுத்த முடியாமல் உடனே சாபமிட்டு விடுகின்றனர். அந்த நேரத்தில் மனிதர்கள், உயிரினங்கள், திடப்பொருட்கள், காலங்கள், நாட்கள், நேரங்கள் யாவற்றையும் சபித்து விடுகின்றனர். இன்னும் சொல்வதானால் சிலவேளை தங்களையும் தங்கள் குழந்தைகளையும் கூட சபித்து விடுகின்றனர். மட்டுமல்ல கணவன் மனைவியையும் மனைவி கணவனையும் சபிக்கின்றனர். இது தீய ஆபத்தான செயலாகும்.
‘….ஒரு மூமினை சபித்தவன் அவனை கொலை செய்தவன் போலாவான்’ என்பது நபிமொழி. ஸாபித் பின் ழஹ்ஹாக் (ரலி) அவர்கள் அறிவிக்கும் இந்த ஹதீஸ் புகாரியில் உள்ளது.
பெண்கள் அதிகம் சபிக்கின்றார்கள். அதுவே அவர்கள் நரகில் நுழைவதற்குக் காரணமாக அமைகின்றது என்பதை நபி (ஸல்) அவர்களும் தெளிவுபடுத்தி உள்ளார்கள். அதுபோல சபிக்கின்றவர்கள் மறுமையில் பரிந்துரை செய்பவர்களாக இருக்க மாட்டார்கள். இதில் ஆபத்தானது என்னவெனில் அநியாயமாக ஒருவன் ஒருவனை சபித்தால் அவனது சாபம் அவன் மீதே திரும்பி விடுகின்றது. அந்த நேரத்தில் அவன் தனக்கெதிராக தானே இறையருளை விட்டும் தூரமாவதற்குப் பிரார்த்தித்தவனாகின்றான்.

எச்சரிக்கை செய்யப்படும் தீமைகள் தொடரும்

.இந்த ப திவு  இஸ்லாம்கல்வி.காம்l    நன்றி

தோழியர் - 5 - அஸ்மா பின்த் யஸீத் أسماء بنت يزيد

தோழியர் - 5 - அஸ்மா பின்த் யஸீத் أسماء بنت يزيد

வரலாறு - தோழியர்

செவ்வாய், 17 ஜனவரி 2012 17:41

Share Twitter அஸ்மா பின்த் யஸீத் أسماء بنت يزيد யர்முக் யுத்தம் முஸ்லிம்கள் ரோமர்களுடன் நிகழ்த்திய பிரம்மாண்டமான ஒரு போர். இரண்டு லட்சத்து நாற்பதாயிரம் ரோமப் படையினர்; அவர்களை எதிர்த்து வெறும் நாற்பதாயிரத்துச் சொச்சம் முஸ்லிம்கள். அதில் முஸ்லிம் படைகள் அடைந்த வெற்றி ரோமர்களின் சாம்ராஜ்யத்தை உலுக்கி நகர்த்தி வரலாற்றில் பெரும் திருப்புமுனையை நிகழ்த்தியது. தோழர்கள் தொடரைப் படிப்பவர்களுக்கு இப்போரைப் பற்றிய முன்னறிமுகம் கிடைத்திருக்கும். போருக்குச் சென்றார்கள்; இரு படையினரும் போரிட்டார்கள்; இறுதியில் முஸ்லிம்களுக்கு வெற்றி என்று எளிதில் விவரித்துவிட முடியாத அளவிற்கு இதில் முஸ்லிம்கள் சந்தித்த சவால்கள் எக்கச்சக்கம். இருதரப்பிலும் ஏகப்பட்ட உயிரிழப்புகள், முக்கியமான பல தோழர்களின் மரணம் என்று நிறைய சங்கதிகள். படை அளவில் முஸ்லிம்களின் விகிதாச்சாரம் மிகக் குறைவு. எண்ணிக்கையிலும், தளவாட வசதிகளிலும் வல்லமை படைத்திருந்த வல்லரசுப் படைகளுடன் மோதுவதற்கு நிறைய வீரர்களைத் திரட்டி அனுப்ப வேண்டிய சவால் கலீஃபா அபூபக்ரு ரலியல்லாஹு அன்ஹுவுக்கு ஏற்பட்டிருந்தது. அனைத்துப் பகுதிகளுக்கும் தகவல் அனுப்ப, முஹம்மது நபி ஸல்லல்லாஹு அலைஹி வஸல்லம் அவர்களின் மறைவிற்குப் பிறகு புதிதாய் இஸ்லாத்தில் இணைந்திருந்த பல கோத்திரங்களின் வீரர்களும் முன்வந்து படை அணியில் சேர்ந்து கொண்டனர். அவர்களையும் களத்திற்கு அனுப்பி வைத்தார் கலீஃபா. அக்காலத்தில் முஸ்லிம் படை அணியில் பெண்களும் இடம்பெற்றுப் போர் களத்திற்குச் செல்வது வழக்கம். களத்தில் போர் நிகழ, பின்னால் தூரத்தில் அமைக்கப்பட்டுள்ள கூடாரங்களில் தங்கியிருப்பார்கள் பெண்கள். காயமுற்ற வீரர்களுக்குச்  சிகிச்சை அளிக்க, பணிவிடை செய்ய என்று இதரப் பல பணிகளில் அவர்களின் பங்கு முக்கியத்துவம் பெற்றிருந்தது. யர்மூக் யுத்தத்தில் முஸ்லிம் படையின் வலப்புற அணியின் தளபதி அம்ரு இப்னுல் ஆஸ் ரலியல்லாஹு அன்ஹு. அவரது தலைமையில் பத்தாயிரம் வீரர்கள். இந்த அணியை ரோமப் படைகளின் இடப்புற அணி பெரும் உக்கிரத்துடன் தாக்கத் துவங்கியது. அதைத் தடுத்துக் கடுமையாகப் போரிட்டுக் கொண்டிருந்தனர் அம்ரு இப்னுல் ஆஸும் அவர் படையினரும். எண்ணிக்கையில் மிகைத்திருந்த ரோமர்கள் முன்னேறிக் கொண்டே வர, முஸ்லிம்கள் பின்னால் நகர வேண்டிய நிலை ஏற்பட்டுப்போனது. முஸ்லிம்களின் இதர படை அணிகளும் கடுமையாய்ப் போரில் ஈடுபட்டிருக்க, இவர்களிடம் வந்து இணைந்து உதவ இயலாத இக்கட்டான தருணம் அது. ரோமர்கள் மூர்க்கமாய்த் தள்ளிக்கொண்டேவர, களத்தின் வெகுபின்னே அமைக்கப்பட்டிருந்த தம் பெண்களின் கூடாரம்வரை வந்துவிட்டனர் முஸ்லிம்கள். அந்நிலையில் புதிய முஸ்லிம் வீரர்கள் சிலர் அழுத்தம் தாங்காமல் தப்பியோட ஆரம்பிக்க, விந்தை ஒன்று நிகழ்ந்தது. கூடாரங்களில் இருந்து இந்தக் களேபரத்தைப் பார்த்துவிட்ட முஸ்லிம் பெண்கள் வெளியில் ஓடிவந்தார்கள். தப்பியோடுவரைப் பிடித்து முகத்திலேயே குத்து. சரமாரியான குத்து. அம்ரு இப்னுல் ஆஸின் மகள் இரைந்து கத்தினார், “தன் மனைவியை விட்டு ஓடுபவனின் முகத்தை அல்லாஹ் அவலட்சணமாக்குவானாக. மானம், மரியாதையைப் பறக்க விட்டு ஓடுபவனை, அல்லாஹ் அவலட்சணமாக்குவானாக.” மற்றொரு பெண்மணி, “எங்களை விட்டு ஓடினால் அப்படியே ஓடிப்போங்கள். நீங்களெல்லாம் எங்கள் கணவர்களே அல்லர்.” ‘கலகமாம்; பிரச்சினையாம். நமக்கெதுக்கு வம்பு. உள்ளே வந்துவிடுங்கள்’ என்று கணவனைப் பொத்தி உள்ளே இழுத்துக்கொள்ளும் கோழைத்தனம் அறியாத பெண் வேங்கைகள் அவர்கள். ஓடுபவனது புத்தியை எட்டி உதைத்தன அந்த வார்த்தைகள். பொளேரென்று அறை வாங்கியதுபோல் சடுதியில் நிதானம் தோன்றியது. புது உறுதி புத்தியிலும் புஜத்திலும் புடைக்க, அந்தப் புதியவர்களின் தாக்குதல் ரோமர்கள்மீது முன்னரைவிடக் காட்டமாய் இறங்க ஆரம்பித்தது. இதற்குள் ரோம வீரர்களின் அணி பெண்களின் பகுதிவரை வெகுவாய் அண்மி வந்துவிட்டிருந்தது. அப்பொழுது அது நிகழ்ந்தது.  கூடாரம் அமைக்க நாட்டப்பட்டிருந்த பெரும் கோலை எடுத்துக்கொண்டு ரோம வீரர்களை நோக்கி திடுதிடுவென்று ஓடிவந்தார் ஒரு பெண். அவர், அஸ்மா பின்த் யஸீத், ரலியல்லாஹு அன்ஹா. oOo மதீனாவில் அக்காலத்தில் வாழ்ந்துவந்த இரு பெரும் கோத்திரங்கள் அவ்ஸ், கஸ்ரஜ். அப்துல் அஷ்ஷால் என்பது அவ்ஸ் கோத்திரத்தைச் சேர்ந்த ஒரு கிளை. இந்த அப்துல் அஷ்ஷால் குலத்தைச் சேர்ந்தவரே அஸ்மா பின்த் யஸீத் இப்னுல் ஸகன். முஆத் இப்னு ஜபல் ரலியல்லாஹு அன்ஹு அவர்களின் சிற்றன்னை மகள் இவர். இக்குலத்தின் பெருந்தலைவராய்த் திகழ்ந்தவர் ஸஅத் இப்னு முஆத் ரலியல்லாஹு அன்ஹு. ஸஅதின் தாயார் பெயர் கப்ஷா பின்த் ரஃபீஉ.  இந்த இரண்டு பெண்மணிகளும் முக்கியமான இரு தோழர்களுக்கு நெருங்கிய உறவு என்பதை அறிந்து கொள்ளவே இந்த உறவுமுறை விளக்கம். நபியவர்கள் மதீனாவுக்குப் புலம்பெயர்ந்து வந்ததும் அவர்களிடம் சத்தியப் பிரமாணம் அளி்த்த முதல் இரு அன்ஸாரிப் பெண்கள் இவர்கள். ரலியல்லாஹு அன்ஹுமா. அஸ்மாவிடம் சிறப்பொன்று அமைந்திருந்தது. தெளிவாகவும் அருமையாகவும் பேசும் நாவன்மை. அதற்கான சான்றிதழ் நபியவர்களிடமிருந்தே கிடைத்தது அவருக்கு. பெண்கள் கூடியமர்ந்தால் பலவற்றையும் பேசி மகிழ்வதும் அங்கலாய்ப்பதும் வழக்கமில்லையா? அதைப்போல் அக்காலத்தில் தோழியரும் கூடிப்பேசுவது வழக்கம்தான். ஆனால் முக்கியமான ஒரு வித்தியாசம், அது வெறும் வெட்டிப்பேச்சாக இல்லாமல் இஸ்லாம், ஈமான் சார்ந்த கவலைகள் அவர்களது பேச்சை ஆக்கிரமித்திருந்தன  என்பதே!. ஒருநாள் நபியவர்கள் தம் தோழர்களுடன் அமர்ந்திருந்தபோது அங்கு வந்தார் அஸ்மா பின்த் யஸீத். “அல்லாஹ்வின் தூதரே! என் தாயும் தந்தையும் தங்களுக்கு அர்ப்பணமாகட்டும். முஸ்லிம் பெண்கள், அவர்தம் தூதுவராக என்னைத் தங்களிடம் அனுப்பியுள்ளார்கள். நான் அவர்கள் கூறியதைத் தங்களிடம் தெரிவிக்கிறேன். இங்கு நான் சொல்லப்போகும் அவர்களது கருத்தே என் கருத்தும்கூட. ஆண்கள் பெண்கள் இரு பாலாருக்கும் பொதுவாக அல்லாஹ் தங்களை அனுப்பி வைத்துள்ளான். நாங்கள் உங்களிடம் நம்பிக்கைக் கொண்டோம்; பின்பற்றுகிறோம். பெண்களாகிய நாங்கள் வீட்டின் தூண்களைப் போல் தனித்து வைக்கப்பட்டுள்ளோம். நாங்கள் கணவர்களுக்கு தாம்பத்ய சுகம் அளிக்கிறோம்; அவர்களின் பிள்ளைகளைச் சுமக்கிறோம். அவர்கள் ஜிஹாதுக்குச் சென்றுவிடும்போது அவர்களது வீடு, வாசல், செல்வத்தைப் பாதுகாத்து அவர்களின் பிள்ளைகளையும் வளர்க்கிறோம். ஆண்களுக்கோ கூட்டுத் தொழுகையும் ஜும்ஆத் தொழுகையும் பிரேத நல்லடக்கத்தில் ஈடுபவதும் ஜிஹாது புரிவதும் என்று பல நல் வாய்ப்புகள் அமைந்திருக்கின்றன.  அல்லாஹ்வின் தூதரே! அவர்களது நற்கூலியில் எங்களுக்கும் பங்கு இருக்க வேண்டுமில்லையா?” தெளிவான, அழகான, நேர்மையான, சுருக்கமான உரை அது. வியந்துபோன நபியவர்கள் தம் தோழர்களிடம் திரும்பி, “தமது மார்க்கம் பற்றி இத்தனை அழகாக வேறு எந்தப் பெண்ணாவது கேள்வி எழுப்பி, பேசி கேட்டிருக்கிறீர்களா?” “அல்லாஹ்வின் தூதரே! நிச்சயமாக இல்லை. ஒரு பெண் இந்தளவு தெளிவாய்ப் பேசக்கூடும் என்று நாங்கள் நினைத்ததில்லை.” “அஸ்மா! உன் தோழியரிடம் சென்று சொல், ‘தம் கணவனுக்குச் சிறந்த இல்லத்துணையாகவும் அவனது மகிழ்வே தனது நாட்டமாகவும் அவனது தேவைகளைப் பூர்த்தி செய்யக்கூடியவளாகவும் ஒரு பெண் அமையும்போது ஆணின் நற்கூலிகள் என்று நீ விவரித்ததற்கு இணையான அனைத்தும் அவளுக்கும் கிடைத்துவிடும்’ என்று.” இறைத் தூதர் சொல்லியதைக் கேட்டு மகிழ்ந்து இறைவனைப் புகழ்ந்தவாறு அங்கிருந்து விலகினார் அஸ்மா. கணவனை மகிழ்வித்துக் குடும்பம் பேணுவதில் கிடைக்கும் நன்மையும் சிறப்பும் ஆண் அப்பட்டமாய்ப் புரியும் நற்காரியங்களுக்கு இணையானது எனும் ஆன்ம பலன்கள் இருக்கட்டும். அவ்வளவு உயரிய நற்பலன்கள் இகலோக குடும்ப வாழ்விலா? எப்படி இது? சிறிது யோசித்தால் தெளிவு தென்படும். ஓர் உயரிய சமூகம் உருவாவதற்கு இத்தகு குடும்பங்களே சிறப்பான அடித்தளம் அமைக்கின்றன. வீடு உயர நாடு உயரும் எனில் வீடு உயர, குடும்பத் தலைவி வழங்கும் அர்ப்பணிப்பு இருக்கிறதே, அது அச்சாணி!. உலகமும் உலகக் கல்வியும் கற்றுத் தருவது என்ன? அதற்கு நேர் மாறானவற்றை! அது இழுக்கு என்பதை! மாறாக அனாச்சாரமும் விபச்சாரமும் நம் சமகாலத்தில் சமூக அங்கீகாரம் பெற்ற நாகரிகத்தின் அடையாளங்களாகிவிட்டன. விளைவு? இன்று கெட்டழிந்து சின்னாபின்னமாகியிருக்கும் குடும்பங்களும் சமூகமுமே அதற்குச் சான்று. ஒருமுறை அஸ்மா தம் தோழியருடன் அமர்ந்திருக்கும்போது அவரைச் சந்தித்தார்கள் நபியவர்கள். அவர்களுக்கு ஸலாம் பகர்ந்துவிட்டு நல்லுரை ஒன்று கூறினார்கள். “உங்களிடம் அன்பு காட்டுபவர்கள்மீது நன்றி தெரிவிப்பதில் கவனமுடன் இருந்துகொள்ளுங்கள்.” அதன் உள்ளர்த்தத்தைத் தெளிவுபடுத்திக்கொள்ள நபியவர்களிடம் மேற்கொண்டு வினா தொடுக்கும் துணிவு அஸ்மாவுக்கு மட்டுமே இருந்தது. “அல்லாஹ்வின் தூதரே! அன்பு செலுத்துபவர்களிடம் நன்றி மறப்பது என்பது என்ன?” நபியவர்கள் விளக்கமளித்தார்கள். “பெண்களாகிய உங்களில் ஒருவர் திருமணம் தாமதமாகி நீண்டநாள் பெற்றோரின் பாதுகாப்பில் இருந்திருப்பீர்கள். பின்னர் அல்லாஹ்வின் அருளால் அவளுக்குக் கணவன் அமைந்து, நல்ல வாழ்க்கையும் அமைந்து, பிள்ளைகளும் பிறந்திருக்கும். ஒருநாள் ஏதேனும் ஒரு சிறு விஷயத்தில் கணவனிடம் கோபமடைந்து நன்றி மறந்துபோய் அவள் கணவனிடம் உரைப்பாள், ‘உன்னிடமிருந்து எனக்கு எந்த நன்மையும் ஏற்படவில்லை’ என்று.” எவ்வளவு உண்மையான அறிவிப்பு இது? “உன்னைக் கட்டிக்கொண்டு நான் என்ன பலனைக் கண்டேன்?” “அப்படி என்ன எனக்குப் பெரிதாய்ச் செய்துவிட்டாய்?” இத்தகு உரையாடல்கள் யதார்த்தமான நிகழ்வாகப் பல குடும்பங்களில் நடைபெறுவதை நாம் காணவில்லை? இந்தப் பாடங்களெல்லாம் சிறப்பாய்ப் படித்து புரிந்து கொண்டார் அஸ்மா. ஏறத்தாழ நபியவர்களின் 81 ஹதீஸ்களை அவர் அறிவித்துள்ளதாக அறிய முடிகிறது. “நபியவர்களின் ஒட்டகமான அத்பாவின் சேணைக் கயிற்றை நான் பிடித்துக் கொண்டிருந்தபொழுது அவர்களுக்கு சூரா அல்-மாயிதா முழுவதுமாய் அருளப்பட்டது. அதன் கனம் எந்தளவு இருந்ததென்றால் ஒட்டகத்தின் கால்கள் அனேகமாய் ஒடிந்துவிடும் அளவிற்குப் பளு ஏற்பட்டுப்போனது” என்று அறிவித்துள்ளார் அஸ்மா. நபியவர்களுக்கு ஜீப்ரீல் அலைஹிஸ் ஸலாம் வஹீ அறிவிக்கும்போது அது எத்தனை கடினமாய் இருந்தது என்பதற்கு இந்த ஹதீதும் ஒரு சான்றாய்க் குறித்து வைக்கப்பட்டுள்ளது. oOo வீரம் அஸ்மாவின் குடும்பம் முழுவதும் வியாபித்துப் பரவியிருந்திருக்கிறது. உஹதுப் போரில் ஏற்பட்ட கடினச் சூழல் பற்றித் தோழர்கள் வரலாற்றில் ஆங்காங்கே படித்து இருப்பீர்கள். அந்தப் போரில் படைகள் சிதறி உக்கிரமான நிலை ஏற்பட்டபோது உறுதியுடன் நின்று போராடியவர்களில் அஸ்மாவின் சகோதரர் இமாராஹ் இப்னு யஸீதும் ஒருவர். அந்தப் போரில் அவர் கொல்லப்பட்டு உயிர் தியாகி ஆனார். அவரின் தந்தையும் தந்தையின் சகோதரரும்கூட அதே போரில் கொல்லப்பட்டனர். இத்தகு இழப்புகளெல்லாம் சோகம், விரக்தி போன்றவற்றுக்குப் பதிலாக அஸ்மாவினுள் வீரமும் திடமும் வளர்க்கவே உதவின. அல்லாஹ்வும் நபியும் அவர்களுக்குத் தங்களது உயிரைவிட மேல். நபியவர்களுடன் பலமுறை போரில் கலந்து கொண்டிருந்திருக்கிறார் அவர். மக்காவிற்கு நபியவர்கள் உம்ரா சென்றபோது அந்தக் குழுவில் அஸ்மாவும் ஒருவர். ஆனால் நபியவர்கள் குரைஷிகளால் தடுத்து நிறுத்தப்பட்டதும் பல விவாதங்களுக்குப் பிறகு ஹுதைபிய்யா உடன்படிக்கை ஏற்பட்டதும் தனி வரலாறு. ஹுதைபியா உடன்படிக்கை நிகழ்விற்கு முன்னர், உதுமான் ரலியல்லாஹு அன்ஹு கொல்லப்பட்டதாய்ச் செய்தி பரவிக் குழப்பம் தோன்றிய நேரத்தில், ‘உயிரைக் கொடுத்தும் போராடுவோம்’ என்று மரத்தினடியில் சத்தியப் பிரமாணம் செய்து கொடுத்தனர் தோழர்கள். வரலாற்றுச் சிறப்புமிக்க 'பைஅத்துர் ரிள்வான்' எனும் அந்தப் பிரமாணம் அளித்தவர்களில் ஒருவர் அஸ்மா. இப்படி அவரது இயல்பிலும் உதிரத்திலும் வீரம் கலந்திருந்ததால் யர்மூக் போரின்போது களத்திற்குச் சென்றிருந்தார் அஸ்மா. இக்கட்டான போர்ச் சூழ்நிலையில், ரோம வீரர்களின் அணி பெண்களின் பகுதிவரை வந்துவிட்டிருக்க, கூடாரம் அமைக்க நாட்டப்பட்டிருந்த பெரும் கோலை எடுத்துக்கொண்டு ரோம வீரர்களை நோக்கித் திடுதிடுவென்று ஓடினார் அஸ்மா. மிரட்டி விரட்டும் காரியம் போலன்றி, அந்தக் கம்பைக் கையில் ஏந்தியவர் தனி ஆளாய் ஒன்பது ரோமப் போர் வீரர்களைக் கொன்று விட்டுத்தான் ஓய்ந்தார். சிலிர்க்கவைக்கும் வீரம் அவருடையது. முன்னேறி வந்திருந்த ரோமப் படைகளைக் கன்னாபின்னாவென்று தாக்கிக் கொன்று அவர்களைப் பின் தள்ளியவாறு விறுவிறுவென்று முன்னேற ஆரம்பித்தனர் முஸ்லிம்கள். வலப்புற அணி தம் பகுதிகளை முழுக் கட்டுப்பாட்டிற்குக் கொண்டுவந்தது. இந்தப் போரின் வெற்றிக்குப் பிறகு, முஸ்லிம்கள் வசம் ஸிரியா வந்ததும் அங்கேயே தங்கிவிட்டார் அஸ்மா. பெண்களுக்கு இஸ்லாமியப் பாடங்களைக் கற்றுத்தருவது அவரது தலையாய பணியாகிப்போனது. நீண்ட ஆயுளுடன் ஏறத்தாழ 90 வயதுவரை வாழ்ந்திருந்தார். ஹிஜ்ரீ 69ஆம் ஆண்டு மரணம் அவரைத் தழுவியது. டமாஸ்கஸ் நகரில் அமைந்துள்ள 'பாபுஸ்ஸகீர்' என்னும் அடக்கத்தலத்தில் நல்லடக்கம் செய்யப்பட்டார் அஸ்மா பின்த் யஸீத். ரலியல்லாஹு அன்ஹா! oOo இன்னும் வருவர், இன்ஷா அல்லாஹ். <தோழியர் - 2 | தோழியர் - 3>

முஸ்லிம் பெண்கள் பிழைப்புக்காக வெளிநாடு போகலாமா? ஐயமும்-தெளிவும் - முஸ்லிம்களுக்காக

முஸ்லிம் பெண்கள் பிழைப்புக்காக வெளிநாடு போகலாமா?

ஐயமும்-தெளிவும் - முஸ்லிம்களுக்காக

ஞாயிறு, 15 ஜனவரி 2012 13:59

Share Twitter ஐயம்: assalamu alaikkum பொதுவாக, பெண்கள் வெளிநாடு போவது இஸ்லாத்தில் தடுக்கப் பட்டுள்ளதாகக் கூறுகின்றனர். ஆயினும், குடும்பக் கஷ்டங்களினால் அவற்றைத் தாங்க முடியாது, அதே நேரம் யாரும் கஷ்டங்களைப் போக்க உதவி செய்யவும் இல்லை, அல்லது எதோ ஒரு சிறு உதவி செய்தாலும் அது போதாத நிலையில், பெண்கள் வெளிநாடு சென்று உழைக்க கிளம்புகிறார்கள். இப்படி, "முஸ்லிம் பெண்கள் வெளிநாடு சென்று உழைப்பது ஹராம்" என பல மவ்லவிகள் (முக்கியமாக தப்லீக், thawheed, salafi மவ்லவிகள்) கூறுகிறார்கள். ஆனால், இந்தப் பெண்களுக்கு நல்வாழ்வுக்குரிய மாற்று வழி தீர்வு எதுவும் சொல்கிறாரில்லை. கேட்டால், "கஷ்டத்தைப் பொறுத்துக்கொண்டு வாழ வேண்டும் இறைவன் சுவர்க்கம் தருவான்" என்று கூறுகிறார்கள். எனவே, பெண்கள் வெளிநாடு போய் உழைப்பது பற்றி, இஸ்லாத்தின் நிலைப்பாட்டை எழுதுங்கள். - சகோ. easternAHI மின்னஞ்சல் வழியாக தெளிவு: வ அலைக்குமுஸ்ஸலாம் வரஹ், ஆணோ, பெண்ணோ வாழ்க்கையில் ஏற்படும் துன்பங்களைச் சகித்துக்கொண்டு, இறைவழியில் பொறுமையை மேற்கொண்டால் இறைவன் சுவர்க்கத்தைத் தருவான் என்பது உண்மையே. அதேபோல், ஜீவாதாரத் தேவைக்காக வாழ்க்கையில் எதிர் நீச்சலை மேற்கொண்டு கஷ்டப்பட்டு "உழைத்து நேர்மையுடன் பொருளீட்டினாலும் சுவர்க்கத்தைத் தருவேன்" என்பதும் இறைவனின் வாக்குறுதி! ஆணாயினும் பெண்ணாயினும் ''உழைப்பது ஹராம்'' என்று இஸ்லாம் எங்கும் சொல்லவில்லை! ஆனால், இந்தியா, இலங்கை, இந்தோனேஷியா, ஃபிலிப்பைன்ஸ் போன்ற நாடுகளைச் சேர்ந்த பெண்கள் வளைகுடாவில் பிழைக்கப்போய், அவர்களுள் பலர் அனுபவிக்கும் கொடுமைகளைக் கருத்தில் கொண்டு, "பெண்கள் பிழைப்புக்காக வெளிநாடு செல்வது ஹராம்" எனச் சிலர் கருத்துக் கூறியிருக்கலாம். தங்கள் வீட்டு வேலைக்காரப் பெண்களைத் தங்கள் குடும்பத்தில் ஒருத்தியாக நடத்துகின்ற, அவளுடைய குடும்பத்தின் அத்தனை தேவைகளையும் தம் தேவைகளாக ஏற்றுச் செயல்படுகின்ற இறையச்சம் உள்ளவர்களும் இருக்கிறார்கள். ஆனால் அவர்களின் எண்ணிக்கை மிகக் குறைவு. முஸ்லிம் பெண்கள், பிழைப்புத் தேடி வெளிநாட்டுக்குப் போகவேண்டிய கட்டாயத் தேவையையும் சூழலையும் பற்றி இங்குத் தெரிந்து கொள்ள வேண்டியது நமது கடமையாகும். "ஆண்கள் பெண்களிடம் ஆளுமையுடையவர்கள்" எனும் கருத்தில் அமைந்த 4:34ஆவது இறைமறை வசனத்தில், ஒரு குடும்பத்திற்கான பொருளாதாரச் செலவினங்களுக்கு அந்தக் குடும்பத்தின் தலவனே பொறுப்பேற்கத் தகுதியுடையவனாவான் எனும் அடிப்படை பொதிந்துள்ளது. ஆனால், ஒரு குடும்பப் பெண்ணுக்கு ஊதாரியான, குடும்பப் பொறுப்பற்ற கணவன் அமைந்துவிட்டாலோ, மணமாகி குழந்தைகளைப் பெற்றபின் கணவன் இறந்துவிட்டாலோ அந்தக் குடும்பத்தைப் பொறுப்பேற்க எவரும் இல்லாமல் அல்லது இருந்தும் முன்வராமல் போய்விட்டாலோ பெண்கள் சம்பாதித்து அந்தக் குடும்பத்தைக் காப்பாற்றவேண்டிய இக்கட்டான கட்டாயச் சூழல் ஏற்படுகின்றது. அதனால், ஆதரவற்ற பெண்கள் குறுகிய காலத்தில் பொருளீட்ட ஆசைப்பட்டுத் தேர்ந்து கொள்வது 'வெளிநாட்டு வேலை'. ''பூமியில் பரவிச் சென்று அல்லாஹ்வின் அருளைத் தேடிக்கொள்ளுங்கள்!'' (அல்குர்ஆன் 62:10) இது ஆணுக்கும் பெண்ணுக்கும் பொதுவான அனுமதியாகும். அயல்நாடு சென்று ஆண்கள் உழைப்பதுபோல், பெண்களும் அயல்நாடு சென்று ஹலாலாக உழைத்துச் சம்பாதிப்பதும் ஆகுமானதே! பெண்களுக்கான வாழ்வாதாரத் தேவைகளைக் குடும்பத்து ஆண்கள் பூர்த்தி செய்திடல் வேண்டும் என்பதுபோல், ஆதரவற்றப்  பெண்கள், சிறுவர், பலவீனமான முதியோர் ஆகியோருக்கு இஸ்லாமிய அரசு பொறுப்பேற்க வேண்டும்! "கடன் உள்ள நிலையில் மரணித்தவர்கள் நபி (ஸல்) அவர்களிடம் கொண்டு வரப்படுவார்கள். "இவர் கடனை நிறைவேற்றத்தக்க சொத்துகளை விட்டுச் சென்றுள்ளாரா?'' என்று நபி (ஸல்) அவர்கள் கேட்பார்கள். அவர் விட்டுச் சென்றுள்ளதாகத் தெரிவிக்கப்பட்டால் அவருக்கு(ஜனாஸா)த் தொழுகை நடத்துவார்கள். அவ்வாறு இல்லையெனில் முஸ்லிம்களை நோக்கி ''உங்கள் தோழருக்குத் தொழுகை நடத்துங்கள்'' என்று கூறிவிடுவார்கள் (புகாரி 5371). அல்லாஹ் அவர்களுக்கு அநேக வெற்றிகளை வழங்கியபோது (அதாவது அரசுக் கருவூலத்தில் நிதிகள் குவிந்தபோது) "மூஃமின்களுக்கு அவர்களின் உயிர்களைவிட நான் மிகவும் உரித்தானவன். எனவே மூஃமின்களில் யாரேனும் கடனை விட்டு மரணித்தால் அதை நிறைவேற்றவது என்னைச் சேர்ந்ததாகும். யாரேனும் செல்வத்தை விட்டுச் சென்றால் அது அவரது வாரிசுகளுக்கு உரியதாகும்" என்று நபி(ஸல்) அவர்கள் கூறினார்கள். (புகாரி 2298, முஸ்லிம், நஸயீ, திர்மிதீ, இப்னுமாஜா, அஹ்மத்). ஒருவர் (மரணமடைந்து) விட்டுச் சென்ற செல்வம் அவரின் வாரிசுகளுக்குரியதாகும். ஒருவர் (ஆதரவற்ற) மனைவி மக்களைவிட்டுச் சென்றால் அவர்களைப் பராமரிப்பது நம்முடைய பொறுப்பாகும். என்று நபி (ஸல்) அவர்கள் கூறினார்கள். அறிவிப்பவர் அபூஹுரைரா (ரலி) (புகாரி 2398). கணவன் மரணித்து, குடும்பத்தில் ஆண் ஆதரவற்று மனைவி, மக்கள் நிர்க்கதியான நிலையில் விடப்படும்போது அவர்களைப் பராமரிப்பது நமது பொறுப்பாகும் என்று நபி (ஸல்) அவர்கள் கூறியுள்ளார்கள். அதாவது, ஆதரவற்ற பலவீனமானவர்களைப் பராமரிப்பது இஸ்லாமிய ஆட்சியின் பொறுப்பாகும்! சொந்த உழைப்பில் குடும்பத்தை நடத்தவேண்டிய கட்டாயத்திலிருக்கும் பெண்களுக்கு, "வெளிநாட்டுக்குச் சென்று பிழைக்கக்கூடாது" என்று தடைவிதித்தல் பொருந்தாது. ஏனெனில், எல்லா அடிப்படை வசதிகளையும் பெண்களுக்கு அளித்துவிட்டு, அதன்பிறகு, "வயிற்றுப் பிழைப்புக்காக வெளிநாட்டுக்குப் போகாதே!" என்று தடுக்கும் உரிமை இஸ்லாமிய அரசுக்குத்தான் உண்டு! வறுமையால் வாடும் பெண்களுக்கு, அவர்களுக்கான எந்த உதவியும் செய்யாமல், உள்ளூரில் பிழைத்துக்கொள்ள வழிவகை தேடாமல், வெறுமனே ஃபத்வா கொடுப்பது நியாயமில்லை. "முஸ்லிம் பெண்கள் பிழைப்புக்காக வெளிநாட்டுக்குப் போவது ஹராம்" என ஃபத்வா கொடுப்பவர்கள், ஆதரவற்ற பெண்களுக்கு உள்ளூரிலேயே உள்நாட்டிலேயே பாதுகாப்பான வேலைக்கு ஏற்பாடு செய்து கொடுக்க முன்வந்தால் பாராட்டலாம். ஆனால், அது ஆகப்போவதில்லை என்று உங்கள் கேள்வியிலிருந்து விளங்குகிறது. எனவே, ஆதரவற்ற பெண்கள் அரசு அல்லது ஜமாஅத்தாரின் உதவியற்ற நிலையில், தன் கையே தனக்கு உதவி என உழைத்துக் குடும்பத்தைக் காப்பாற்றும் சூழ்நிலைக்கு ஆளாகின்றனர். உள்ளூர், வெளிநாடு என இவர்கள் உல்லாசப் பயணமாகச் செல்லவில்லை. உழைத்துப் பொருளீட்டுவதற்காக செல்கின்றனர். அதுவும் வெளிநாட்டுக்குச் சென்றுவந்த, தம் நிலையை ஒத்தவர்களின் அனுபவங்களைக் கேட்டறிந்துகொண்டே பெரும்பாலும் செல்கின்றனர். எனவே, வெளிநாட்டுக்குப் பிழைப்பைத் தேடிப் போவதா வேண்டாமா என்பது அவரவரின் தேவை, கட்டாயம், நிர்ப்பந்தம், பயன், பாதுகாப்பு ஆகியவற்றைக் கருத்தில் கொண்டு, சம்பந்தப்பட்ட அப்பெண்கள் தீர்மானிப்பதாகும். மற்றபடி, உள்நாட்டிலோ வெளிநாட்டிலோ ஹலாலான முறையில் உழைத்துப் பொருளீட்டிக் கொள்வதற்கு இஸ்லாம் பெண்களுக்குத் தடை விதிக்கவில்லை. (இறைவன் மிக்க அறிந்தவன்)

மின்சார மீன் (Electric Eel) E. Usman Ali

மின்சார மீன் (Electric Eel)

E. Usman Ali

நாம் கண்டு வரும் இந்த தொடரிலே இறைவனின் படைக்கும் ஆற்றலையும் அவன் நாடியதை செய்யக்கூடிய வல்லமையுடையவன் என்பதனையும் தெளிவுபடுத்தும் சில உயிரினங்களைப் பற்றிப் பார்த்து வந்தோம். அந்த வரிசையிலே தற்போது நாம் பார்க்க இருப்பது மிக உயர்ந்த மின் ஆற்றலை தன்னகத்தே கொண்டு விளங்கும் எலக்டிரிக் ஈல் (Electric Eel) என்று அழைக்கப்பபடும் மின்சார மீனைப் பற்றியதாகும்.   தென் அமெரிக்காவின் அமேசான் ஆறுகளின் கிளை நதிகளில் வாழக்கூடிய இந்த வியப்பளிக்கும் மீன், தன் எதிரியின் உடலில் பட்ட மாத்திரத்தில் உயிரிழக்கச் செய்யும் அபரிதமான மின் ஆற்றலின் உற்பத்திக் கேந்திரமாக விளங்கிவருகின்றது. N நம் நாட்டிலே மின் கம்பங்கள் மற்றும் தொழிற்சாலைகள் போன்றவற்றின் மின் சாதனங்களின் அருகில், அபாயம் 440V  மின்சாரம் என்று எழுதப்பட்டு மண்டை ஓட்டிற்கு கீழே இரண்டு  எலம்புகளினால் பெருக்கல் குறி அமைப்பில் வரையப்பட்டு எச்சரிக்கை விடப்பட்டிருப்பதைக் கண்டிருப்போம். 440V மின்சாரம் என்பதே மனிதார்களைப் பொருத்த வரை அபாயம் என்ற நிலை இருக்கும் போது 650V மின்சாரம் எந்த அளவிற்கு அபாயகரமானது என்பதைச் சொல்லித் தெரிய வேண்டியதில்லை.   எலக்டிரிக் ஈல் தன் உடலில் கொண்டிருக்கும் மின் அழுத்தம் 650V மின்சாரமாகும். இத்தகைய அபரிதமான மின் ஆற்றல்தான், இவை இறைவன் புறத்திலிருந்து அடையப் பெற்ற விதிவிலக்கான அம்சமாகும். இன்னும் சில வகை மீன்களுக்கும் சிறிய அளவிலும் குறிப்பிடக் தக்க அளவிலும் மின் ஆற்றல் இருப்பினும் இந்த எலக்டிரிக் ஈல் அவை அனைத்தையும் காட்டிலும் மிக அதிக அளவிற்கு மின் ஆற்றல் பெற்று விளங்குகிறது.   அமேசான் ஆற்றின் கிளை நதியாகிய ஒரினோகோ ஆறுதான் எலக்டிரிக் ஈல் மீனுடைய பிறப்பிடமாகும். 2.75 மீட்டர் நீளமும், சுமார் 22 கிலோ எடையுடன் கூடிய இந்த மீன் உருவ அமைப்பில் பாம்பின் அமைப்பில் காணப்படுகின்றது. சாம்பல் நிறத்துடனும் மிகக் குறைந்த அளவிளான செதில் அமைப்புடனும் உருளையான வடிவத்திலும் அமைந்துள்ளது. உள் உறுப்பு அனைத்தும் இவற்றின் உடலின் நீளத்தில் ஐந்தில் ஒரு பகுதியில் அமைந்துள்ளன.   இவற்றிற்கு சிறிய அளவிலே செவுள் அமையப் பெற்றிருப்பினும் கூட இவை சுவாசித்ததன் பின்னர் வெளியிடும் கார்பன் டை ஆக்ஸைடை வெளியேற்றவே இதைப் பயன்படுத்துகின்றன. இவை வாழக்கூடிய ஆறுகளின் தண்ணீரில் ஆக்சிஜன் அளவு குறைவாக இருப்பதனால் இவை அடிக்கடி தண்ணீரின் மேற்பரப்பிற்கு வந்து வாயின் மூலம் சுவாசித்துச் செல்கின்றன. மேலும் இவற்றின் வாயின் உட்புறத்தில் அதிக அளவிற்கு இரத்த நாளங்கள் அமையப் பெற்று இருப்பதனால் அதிகமான ஆக்சிஜனை கிரகித்துக் கொள்ள ஏதுவாயிருக்கின்றது. இவை அதிகமான நேரங்கள் அசைவின்றி மிகவும் சோம்பல் வாய்ந்த நிலையிலேயே கழிக்கின்றன.   இவற்றின் திறனைப் பற்றி பண்டைய கால மக்களும் அறிந்து வைத்திருந்தனர் என்பதனை வறலாறுகளில் அறிய முடிகின்றது. பண்டைய ரோமானியப் பேரரசர்கள் எலக்டிரிக் ஈலைக் கொண்டு தங்கள் எதிரியை கொன்று அழித்தனர். இவை உயிரைப் போக்கி விடக்கூடிய ஏதோ ஒரு ஆற்றல் பெற்று விளங்குவதை அறிந்து வைத்திருந்தனரே தவிர இவற்றின் அபரிதமான மின் ஆற்றலைப் பற்றிய அறிவு அவர்களுக்கு இருக்கவில்லை. பண்டைய ரோமானிய மன்னர்கள் இவற்றை நன்கு அலங்கரித்து குளங்களில் வளர்த்து தங்களின் அரசியல் எதிரிகள் மற்றும் தங்களுக்கு அடிபணியாத அடிமைகளை குளத்தில் தள்ளி இவற்றின் மூலம் சாகடித்துள்ளதை வறலாறுகளில் காண முடிகின்றது.   இவற்றின் மின் அதிர்வு பெரிய குதிரையையே 6 மீட்டர் தொலைவிற்குத் தூக்கியெறியும் ஆற்றல் உள்ளதாகும். இந்த மீனைப் பொருத்தவரை தனது உணவிற்காக இவைகள் தனது எதிரியின் மீது மோதினாலே போதுமானதாகும். அல்லது குறிப்பிட்ட தூரத்திற்கு மின்சாரத்தைப் பாய்ச்சியும் தன் இரையைக் கொல்லும் ஆற்றலைப் பெற்று விளங்குகின்றது. எலக்ட்ரிக் ஈல் அவற்றின் மீது பட்ட உடன் மின் தாக்குதலால் உடனே செயலிழந்து விடுகின்றன அல்லது பொதுவாக இறந்துவிடுகின்றன. பட்ட மாத்திரத்தில் மனிதர்களின் உயிரைக் குடிக்கும் ஆற்றல் இந்த உயிரினத்திற்கு மாத்திரம்தான் இருக்கின்றது என்று சொன்னால் மிகையாகாது. இவற்றின் உணவு பெரும்பாலும் இதரவகை மீன்கள் மற்றும் தவளைகளாகும். இருப்பினும் கூட இவை காடுகளின் பழங்கள் மற்றும் விதைகள் மற்றும் கொட்டைகள் ஆகியவற்றை நன்றாக உண்ணக் கூடியவை. பருவகாலத்தில் பெய்யும் மழையினால் அமேசான் ஆற்றில் ஏற்படும் அதிகப்படியான வெள்ளப் பெருக்கினால் ஆற்று நீர்மட்டம் உயர்ந்து அடர்ந்த வனப்பகுதியில் வெள்ளப் பெருக்கு ஏற்படுவதனால் இவை காடுகளினுள் பயணித்து பழங்கள் மற்றும் விதைகளை நன்கு உண்ணுகின்றன. இந்த பருவத்தில்தான் மரங்களிலிருந்து அதிகப் படியாக பழங்கள் விழுகின்றன.     எலக்டிரிக் ஈலின் உடல் அமைப்பும் அதன் மின் உறுப்புகளைப் பற்றிய ஓர் விளக்கப் படம். எலக்டிரிக் ஈலின் உடல் உள் உறுப்புக்கள் அனைத்தும் அவற்றின் உடல் நீளத்தில் ஐந்தில் ஒரு பகுதியிலேயே அமைந்துள்ளன. மிஞ்சிய பகுதியில் மின்சாரத்தை உற்பத்தி செய்யும் உறுப்புகள் அமைந்துள்ளன. இவற்றின் மின்சார அமைப்பு ஒரு பேட்டரியின் அமைப்பை முழுதும் ஒத்திருக்கின்றன. பேட்டரியின் நேர் எதிர் துருவங்களைப் போன்றே இவற்றிற்கும் இருதுருவங்கள் அமையப் பெற்றுள்ளன. மின்சாரம் பாய்ந்து செல்ல இருதுருவங்கள் இல்லையெனில் மின் சுற்று நிறைவு பெறாத நிலையில் மின்ணோட்டம் முழுமைப் பெறுவதில்லை. இவற்றின் தலைப்பகுதி நேர் துருவம்(பாஸிடிவாகவும்) அதன் வால் பகுதி எதிர் துருவம்(நெகடிவாகவும்) அமைந்து மின்சாரம் பாய்ந்து செல்ல வகைச் செய்கின்றன. இவை இரண்டு வித்தியாசமான வெவ்வேறான மின்சார உற்பத்தி உறுப்புகளைப் பெற்றுள்ளன. ஒன்று சாக்ஸ் (Sacks) என்றழைக்கப்படும் உறுப்பு. சாக்ஸ் என்றழைக்கப்படும் உறுப்பின் மூலம் மிகக் குறைந்த அளவாக 5 முதல் 10 வோல்ட் வரை மின்சாரம் உற்பத்தி செய்யப் படுகின்றது. இந்த குறைந்த மின் அழுத்தம் கொண்ட மின்சாரம் அவற்றின் சுற்றுப் புறங்களுக்கு அனுப்பி மற்ற ஈல்களுடன் தொடர்பு கொள்ளவும், அவை இடம் பெயர்ந்து செல்லவும் பயன்படுத்துகின்றன. மேலும் இதனைக்கொண்டு இரையின் இருப்பிடத்தைப்பற்றிய துப்பு அறியவும் இவைகளினால் பயன்படுத்தப்படுகின்றது. அடுத்த உறுப்பு இரண்டு பிரிவுகளாகப் பிரிக்கலாம். ஒன்று முக்கிய சேமிப்பு மின்கலம் (main batary) ஆகும். அடுத்து வேட்டை உறுப்பு (hunter organ) ஆகும். இரண்டும் மின்சாரத்தைச் சேமித்து வைக்கவும் அதை தேவையின் போது வெளிப்படுத்தவும் உதவுகின்றன. 1938ம் ஆண்டு நியூயார்க் உயிரியல் பூங்காவின் பொருப்பாளர் டபிள்யூ. கோட் (W.Coate) அவர்களினாலும் நியூயார்க் பல்கலைக்கழகத்தின் இயற்பியலார் ஆர்.டி.காக்ஸ் (R.T.Cox) இருவரினாலும் இணைந்து செய்யப்பட்ட ஒரு சுவாரசிய ஆராய்சியில் வித்தியாசமான சில அம்சங்களைக் கண்டறிந்தனர். இயற்கையில் எலக்டிரிகல் ஈல் வாழக்கூடிய சூழ்நிலையிலேயே ஒரு நெகடிவ் மின் கம்பியுடன் இணைந்த 2 வோல்ட் நியான் பல்புடன் இணைத்தபோது அந்த பல்பு எரியத்துவங்கியது. மேலும் வெளிப்புறத்திலிருந்து மின்சாரத்தை அதில் இணைத்தபோது அவை சீண்டப்பட்டு தனது மின்சாரத்தை மின் ஆற்றல் ஒலி ஆற்றலாக மாற்றப்படும் அமைப்பிலே ஒரு ஸ்பீக்கரைப் போன்று சத்தத்துடன் வெளிப்படலாயிற்று. அந்த சத்தம் நன்கு கேட்டக் கூடிய வகையிலே அமைந்திருந்ததைக் கண்டார்கள். அப்போது அதனுடன் இணைக்கப்பட்ட வோல்ட் மீட்டர் 500 வோல்ட் மின்சாரத்தை வெளியிட்டதை அறிந்தார்கள். இறந்த 9 மணி நேரத்திற்குப் பிறகும் மின் அதிர்வைத் தரும் பயங்கரம். இவற்றின் மின் திறன் இவற்றின் வயது மற்றும் இவற்றின் அளவிற்கு ஏற்றார்போல் அளவில் வேறுபடுகின்றன. இவற்றின் வயது ஏற ஏற இவற்றின் மின் ஆற்றல் திறனும் அதிகறித்துச் செல்லுகின்றது. இவற்றின் உடலில் மின்சார உற்பத்தியின் திசுக்கள் வித்தியாசமான அமைப்பில் அமைக்கப்பட்டுள்ளது. இவை எலக்டிரோசைட் (electro cytes) என்று அழைக்கப்படுகின்றன. இவை ஒன்றன் மேல் ஒன்றாக அடுக்கப்பட்ட நிலையில் வட்ட வடிவில் அமைந்துள்ளன. ஏறக்குறைய இவற்றின் எண்ணிக்கை இரண்டு லட்சம் வரை அமையப் பெற்றுள்ளன. இவற்றின் ஒரு எலக்டிரோசைட் 0.15 வோல்ட் மின்சாரத்தை உற்பத்தி செய்யும் ஆற்றல் பெற்று விளங்குகின்றன. இவைகளின் ஒருங்கிணைந்த முழுத் தொகுப்பே 650 வோல்ட் மின்சாரமாகும். இவை மீனின் அளவிற்கு ஏற்றார்போல் வித்தியாசப்படுகின்றன. ஏலக்டிரிக் ஈல்கள் எல்லா நேரத்திலும் முழு மின் ஆற்றலையும் பிரயோகம் செய்வதில்லை. இவை தன் ஆற்றலைப் பயன்படுத்தாத சமயங்களில் ஒன்வொன்றின் மின்திறனும் 0.8 வோல்டான நிலையில் சம நிலையாயிருக்கும். இந்த எலக்ட்ரோசைடின் வெளிப்புறம் (+) நேர்த் துருவமாகவும் அதன் உட்புறம்  (-) எதிர் துருவமாகவும் அமையப் பெற்று உபயோகத்தின் போது இவ்விரு துருவங்களும் ஒன்றுடன் ஒன்று இணைந்து உயர் மின் அழுத்தம் செலுத்தக் கூடிய முறையிலே அமையப் பெற்றுள்ளன. இவை உயிருடன் இருக்கும் போது மட்டுமல்லாது இறந்த 9 மணி நேரத்திற்கு பிறகும் உடலில் சேமித்து வைக்கப்பட்டிருந்த மின்சாரத்தினால் மின் அதிர்வை ஏற்படுத்தி ஆபத்தை விளைவிக்கக் கூடியதாகும்.     எலக்டிரோசைட் ஒன்றுடன் ஒன்று இணைந்து மின்தொகுப்பை ஏற்படுத்தக் கூடிய விளக்கப் படம்.   எலக்டிரோசைட் உபயோகம் இல்லாத சமயங்களில் அவற்றின் அமைப்பு கீழ் கண்ட நிலையில் அமையப் பெற்றிருக்கும்.   மின்சாரத்தை பிரயோகம் செய்யும் போது ஒன்றுடன் ஒன்று இணைந்து மின்சாரத் தொகுப்பை ஏற்படுத்தி உயர்ந்த மின் அழுத்தத்தை ஏற்படுத்தும் போது அவற்றின் நிலை. மிக அதிசய பயணம்எலக்டிரிக் ஈல் ஆற்று நன்னீரில் வாழக்கூடியதாக இருப்பினும் கூட இவைகள் குஞ்சு பொறிக்க கடலின் உப்பு நீரை நோக்கிச் செல்லுகின்றன. இவை ஏன் தங்கள் வாழும் இடத்தை விடுத்து கடலின் உப்பு நீரை நோக்கிச் செல்லுகின்றன என்பதற்கு இதுவரை சரியான காரணம் அறிவியல் அறிஞர்களினால் கண்டுபிடிக்க முடியவில்லை. இவை சரகாஸ்ஸோ(saragasso) கடலிற்கு பயணித்து கடலின் மிக ஆழத்தில் முட்டையிட்டு தங்கள் வாழுமிடத்திற்கு திரும்பி வந்து வாழ்க்கையைத் தொடருகின்றன. அதன் பிறகு முட்டையிலிருந்து வெளிவரும் லார்வாக்கள் வளைகுடா நீரோட்டத்தினோடு (gulf stream) தங்கள் பயணத்தை தொடருகின்றன. இந்த சிறிய லார்வாக்கள் ஒரு வருடக் காலத்தில் பயணித்து அல்லது நீரோட்டத்தினால் அடித்துச் செல்லப்பட்டு வட அமெரிக்காவின் கடற்கரையையும், முன்று ஆண்டுகளில் ஐரோப்பாவையும் அடைகின்றன. பின்னர் இவை வளைகுடா நீரோட்டத்தினால் திரும்பி தங்கள் பெற்றோர் வாழும் தென் அமெரிக்காவின் ஆற்று முகத்துவாரங்களை அடையும் போது இவை உருவத்தில் எலக்டிரிக் ஈலின் உருவத்தை அடைகின்றன. பின்னர் இவை ஆறுகளுக்குத் திரும்பி தங்கள் வாழ்க்கையைத் தொடங்குகின்றன. மீண்டும் அவை பருவத்தை அடைந்து முட்டையிடும் காலம் வரை அங்கே கழித்துவிட்டு முட்டையிட கடலின் உப்பு நீரை நோக்கி தங்கள் பயணத்தைத் தொடர்கின்றன. இதுவே இவற்றின் வாழ்க்கைச் சுழற்சியாகும். இவை பல்லாயிரம் கிலோ மீட்டர்கள் பயணித்து சரியாக தங்கள் பூர்வீக இடத்தை தங்கள் பெற்றோர் வாழும் இடத்தை அடைவதென்பதான இத்தகைய ஆற்றல் பகுத்தறிவுடன் படைக்கப்பட்ட மனிதர்களுக்கே சாத்தியம் இல்லை என்ற நிலை இருக்கும் போது இந்த அற்புத அதிசய உயிரினத்தின் செயலின் வெளிப்பாடு இறைவனின் வல்லமையின் சான்றைப் பறைச்சாற்றும் நிகழ்சிதான் என்பதில் அறிவுடைய மக்களுக்கு எந்த சந்தேகமும் இல்லை. இத்தகைய செயல்பாடுகள் அனைத்தும் இயற்கையின் தேர்வான (Natural Selection) டார்வினின் கோட்பாட்டை தகர்த்தெறியக் கூடிய ஆதாரங்களாகும். இத்தகைய இறைவனின் சான்றுகளைக் கொண்டு நேர்வழிப் பெற்று, இறைவனின் அழைப்பையும் அவரது தூதரின் அழைப்பையும் ஏற்று பதிலளிக்கூடியவர்களுக்கு அழகிய தங்குமிடம் இறைவனால் வாக்களிக்கப்பட்டிருக்கின்றது. இதை தவிர்த்து மற்ற எந்த வழியில் சென்றாலும் வெற்றிக் கனியை அடைய முடியாது என்பதை விரைவில் விளங்கிக் கொள்வார்கள். நம்பிக்கைக் கொண்டு நல்லறங்கள் செய்தோர் சொர்க்கச் சோலைகளுக்கு அனுப்பப்படுவார்கள். அவற்றின் கீழே ஆறுகள் ஓடிக் கொண்டிருக்கும். அதில் அவர்கள் தமது இறைவனின் விருப்பப்படி நிரந்தரமாகத் தங்கி இருப்பார்கள். அதில் 'ஸலாம்' என்பதே அவர்களின் வாழ்த்தாக இருக்கும். (அல்குர்ஆன் 14:23) இந்த ப திவு  இஸ்லாம்கல்வி.காம்l    நன்றி